'ಪಟಾಕಿ'

ಕಂಡಿದ್ದೆ,
ಆ ರಾತ್ರಿ ಸಂಭ್ರಮಿಸಿದ ನನ್ನ ಗೆಳೆಯನ
ಅಂದುಕೊಂಡೆ,
ನಾನೂ ಸಿಡಿಸಬೇಕು ಪಟಾಕೀನ
ಅತ್ತು ಕಾಡಿದೆ ಅಂದೇ ನಮ್ಮಪ್ಪನ
ತುಸು ಹುಚ್ಚನಂತೆ,
ಬಡಿದು ಸಂಭ್ರಮಿಸಿದ್ದೆ ಗುಂಡುಕಲ್ಲನ್ನ...

ನೊಂದ ಅಮ್ಮ ನೀಡಿದ್ದಳು ಮುತ್ತಿನ ಸಾಂತ್ವನ
ಹೇಗೆ ಕೊಡಿಸಿಯಾನು ಅಪ್ಪ ಪಟಾಕೀನ ?
ಆಗ ಕಿತ್ತು ತಿನ್ನುತ್ತಿತ್ತು ಪಾಪಿ ಬಡತನ..

ಇನ್ನೂ ಮರೆತಿಲ್ಲ,
ನಮ್ಮನ್ನೋದಿಸಲು ಅಪ್ಪ ಪಟ್ಟ ಶ್ರಮಾನ
ಪಡೆಯುತ್ತಿರುವಾಗ ಅವನೆಟ್ಟ ಗಿಡದ ಫಲಾನ
ಈಗ ಮನಸ್ಸಿಲ್ಲ ಏಕೋ ಹೊಡೆಯಲು ಪಟಾಕೀನ
ಜೊತೆಗೆ,
ಏಕೆ ಹಾಳುಮಾಡಬೇಕು ನಮ್ಮ ಸ್ವಚ್ಚಂದ ಪರಿಸರಾನ.

Comments

Post a Comment

Popular posts from this blog

ನಿಜವಾದ ಪ್ರಜಾಪ್ರಭುತ್ವ ಯಾವುದು..?

 ನಿಜವಾದ ಪ್ರಜಾಪ್ರಭುತ್ವ ಯಾವುದು..?  ನಮ್ಮ್ ದೇಶದಲ್ಲಿ ಇದರ ಮೂಲ ಅರ್ಥನ ತುಂಬಾ ಜನ ತಪ್ಪಾಗಿ ತಿಳ್ಕೊಂಡಿದ್ದಾರೆ.  ದೇಶದಲ್ಲಿ ಆಗಾಗ ಎಲೆಕ್ಷನ್ ಆಗ್ತಾವೆ, ನಾವ್ ಕ್ಯೂ ನಲ್ಲಿ ನಿಂತು ಓಟಾಕ್ತಿವಿ, ಆಗ ಆ ದೇಶ ಡೆಮೋಕ್ರ್ಯಾಟಿಕ್ ಅಂದ್ರೆ ಪ್ರಜಾಪ್ರಭುತ್ವ ದೇಶ ಅಂತ ಕೆಲ ಜನ ತಿಳ್ಕೊಂಡಿದ್ದಾರೆ. ಆದ್ರೆ ನಿಮಗೆ ಗೊತ್ತಾ..? ಉತ್ತರ ಕೊರಿಯಾ ದಲ್ಲೂ ಎಲೆಕ್ಷನ್ ಆಗುತ್ತೆ. ನಾನ್ ಇದನ್ನ ಉತ್ಪ್ರೇಕ್ಷೆ ಯಾಗಿ ಹೇಳ್ತಿಲ್ಲ. ನಿಮಿಗೆ ತಮಾಷೆ ಅನ್ನಿಸುತ್ತೆ ನಾನ್ ಹೇಳೋದು. ಅಲ್ಲಿ ಪಕ್ಕಾ 100 ಪರ್ಸೆಂಟ್ ಓಟಿಂಗ್ ನಡೆಯುತ್ತೆ.  ಅಲ್ಲೂ ಕೂಡಾ ನಮ್ಮಂತೆ ಎಲೆಕ್ಷನ್ ನಡಿತಾ ಇರ್ತಾವೆ. ಆದ್ರೆ 50 ರಿಂದ 80 90 ಪರ್ಸೆಂಟ್ ಒಟಿಂಗ್ ಆಗಲ್ಲ. 100 ಪರ್ಸೆಂಟ್ ಒಟಿಂಗ್ ಆಗೇ ಆಗುತ್ತೆ. ಆ ದೇಶದ ಯಾರಾದ್ರೂ ಒಬ್ಬ ಪ್ರಜೆ ಅಲ್ಲಿ ನಿಂತ ಅಧಿಕೃತ ಅಭ್ಯರ್ಥಿ ಗೆ ಓಟ್ ಹಾಕ್ಲಿಲ್ಲ ಅಂದ್ರೆ ಅವ್ರು ದೇಶ ವಿರೋಧಿಗಳು ಅಂತಾ ಮಾರ್ಕ್ ಆಗ್ತಾರೆ. ಅವ್ರು ಜಾಬ್ ಕಳ್ಕೊಳ್ತಾರೆ. ಇಲ್ಲಿ ಜಾಬ್ ಮಾಡೋರಿದ್ರೆ ತಾನೇ ಅಂತಾ ಮೂಗ್ ಮುರಿಬೇಡಿ. ಅವ್ರು ಮನೆ ಕಳ್ಕೊಳ್ತಾರೆ. ಓಟ್ ಹಾಕ್ದೆ ಮನೇಲಿ ಮಜಾ ಮಾಡೋರೂ ನಮ್ ದೇಶದಲ್ಲಿ ಇದ್ದಾರಲ್ವಾ..? ಅಲ್ಲಿ ಪ್ರಜಾಪ್ರಭುತ್ವ ಅನ್ನೋ ಒಂದು ವರ್ಡ್ ಅಷ್ಟೇ ಅಲ್ಲ ಆ ದೇಶದ ಅಧಿಕೃತ ಹೆಸರು ಕೂಡಾ ಹೌದು. ಆಶ್ಚರ್ಯ ಆಗ್ತಿದ್ಯಾ. ಪ್ರಜಾಪ್ರಭುತ್ವ ಪದ ಉತ್ತರ ಕೊರಿಯಾ ದೇಶದ ಹೆಸರಲ್ಲಿ ಇದೆ. ಉತ್ತರ ಕೊರಿಯಾ ತನ್ನನ್ನು ತಾನು D...
Read more

ಕಟ್ಟಿಟ್ಟ ಬುತ್ತಿ, ರಾಜಕೀಯ ಜಗ-ಜಟ್ಟಿ..!

ಕಟ್ಟಿಟ್ಟ ಬುತ್ತಿ ಲೆಕ್ಕ ಕೇಳಲು ಕೋಟಿ ಕೋಟಿ, ಸಾಮಾನ್ಯವೇ... ಹೊಡೆದ ಲೂಟಿ. ಬಂದು ಕಾಲಡಿ ಬೀಳಲು ಬೇಕಾಬಿಟ್ಟಿ, ಸಾಕು... ಮೆರೆಯಲು ಅವರಿವರ ಎತ್ತಿ-ಕಟ್ಟಿ. ಆಗಿರುವಾಗ ಆತ... ಹೊಗಳು ಭಟ್ಟರಿಗೆ ರಾಜಕೀಯ ಜಗ-ಜಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಅಂತ್ಯ ನೆನಪಾಗಲು.. ಭಾಷಣದ ಭರಾಟೆ ಬಿತ್ತಿ, ಸೋತಾಗ ನಿಂತು ಕೈ ಕಟ್ಟಿ..! ಸೋಲುವವರ ಗೆಲ್ಲಿಸಿ- ಗೆಲ್ಲುವವರ ಸೋಲಿಸಿ ಮೆರೆದಾಗ ಪಂಥ ಕಟ್ಟಿ, ಎಸೆದಿರಲು ಮೂಲೆಗೆ... "ಭರವಸೆ"ಯ ಮೂಟೆ ಕಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಸ್ಥಾನ ಸಿಗದಾಗ ಗುಂಪುಗಟ್ಟಿ, ಪಕ್ಷ ಪುಡಿಗಟ್ಟಿ, ನಿಷ್ಠರೆನ್ನಿಸಿಕೊಳ್ಳುವರ ಹೆಡೆ ತಟ್ಟಿ, ಹೊರಟಾಗ ಅಂದುಕೊಳ್ಳಲು ನಾನಿನ್ನೂ ಜಗಜಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಕೊಳಗೇರಿ ಕುಲವೆತ್ತಿ, ಕೊಳೆತ ರಾಕ್ಷಸ ಬೀಜ ಬಿತ್ತಿ, ಫಸಲು ತೆಗೆಯಲು ತೋಳೆತ್ತಿ, ಘರ್ಜಿಸಿದರೆ ಬಂದೀತೇ... ನೀ ಬಿತ್ತದ... ಬೆಳೆ ತೆಗೆಯಲು ತಲೆಯೆತ್ತಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಸೋತರೂ... ಅದಿಕಾರದ ಕುರ್ಚಿ ಹತ್ತಿ..! ನಡೆಸಲಾಗದೆ.. ಪ್ರಜಾ ತತ್ವ ಮೇಲೆತ್ತಿ..! ಗೊತ್ತಿದ್ದೂ... ಅಂತ್ಯ ಕಟ್ಟಿಟ್ಟ ಬುತ್ತಿ, ಅಹಂಕಾರದಿ ಮೆರೆವ ಜಗಜಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಸೋತರೂ ಮೀಸೆ ಮಣ್ಣಾಗದ ಜಗಜಟ್ಟಿ..! ಗೊತ್ತಿದ್ದೂ... ಅಂತ್ಯ ಕಟ್ಟಿಟ್ಟ ಬುತ್ತಿ
Read more

ಜಗದೊಳಗೆ ಮರೆಯಾಗು!

ನಿಲುವು ಇಲ್ಲದ ನಾಯಕನ, ನಿಲುವಂಗಿ ನಂಬಿ.. ನಿಂತಿರುವ ಬೆದರು ಬೊಂಬೆಗೆ, ನಿಜವಾಗಿಯೂ ಜೀವ ಹಿಂಡಿ.. ನಿಗಿ ನಿಗಿ ಕೆಂಡ ಕಾರುವ ಮೊದಲು, ನಿನ್ನ ನೀ ಕಂಡುಕೊ.. ನೀ ನಿನ್ನ ಮರೆತು, ಕಾಣದ ಜಗದೊಳಗೆ ಮರೆಯಾಗುವ ಮೊದಲು, ಕರೆದರೂ ಬಾರದ ಬದುಕಾಗುವ ಮೊದಲು.
Read more