simplysoms

ಕಟ್ಟಿಟ್ಟ ಬುತ್ತಿ ಲೆಕ್ಕ ಕೇಳಲು ಕೋಟಿ ಕೋಟಿ, ಸಾಮಾನ್ಯವೇ... ಹೊಡೆದ ಲೂಟಿ. ಬಂದು ಕಾಲಡಿ ಬೀಳಲು ಬೇಕಾಬಿಟ್ಟಿ, ಸಾಕು... ಮೆರೆಯಲು ಅವರಿವರ ಎತ್ತಿ-ಕಟ್ಟಿ. ಆಗಿರುವಾಗ ಆತ... ಹೊಗಳು ಭಟ್ಟರಿಗೆ ರಾಜಕೀಯ ಜಗ-ಜಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಅಂತ್ಯ ನೆನಪಾಗಲು.. ಭಾಷಣದ ಭರಾಟೆ ಬಿತ್ತಿ, ಸೋತಾಗ ನಿಂತು ಕೈ ಕಟ್ಟಿ..! ಸೋಲುವವರ ಗೆಲ್ಲಿಸಿ- ಗೆಲ್ಲುವವರ ಸೋಲಿಸಿ ಮೆರೆದಾಗ ಪಂಥ ಕಟ್ಟಿ, ಎಸೆದಿರಲು ಮೂಲೆಗೆ... "ಭರವಸೆ"ಯ ಮೂಟೆ ಕಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಸ್ಥಾನ ಸಿಗದಾಗ ಗುಂಪುಗಟ್ಟಿ, ಪಕ್ಷ ಪುಡಿಗಟ್ಟಿ, ನಿಷ್ಠರೆನ್ನಿಸಿಕೊಳ್ಳುವರ ಹೆಡೆ ತಟ್ಟಿ, ಹೊರಟಾಗ ಅಂದುಕೊಳ್ಳಲು ನಾನಿನ್ನೂ ಜಗಜಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಕೊಳಗೇರಿ ಕುಲವೆತ್ತಿ, ಕೊಳೆತ ರಾಕ್ಷಸ ಬೀಜ ಬಿತ್ತಿ, ಫಸಲು ತೆಗೆಯಲು ತೋಳೆತ್ತಿ, ಘರ್ಜಿಸಿದರೆ ಬಂದೀತೇ... ನೀ ಬಿತ್ತದ... ಬೆಳೆ ತೆಗೆಯಲು ತಲೆಯೆತ್ತಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಸೋತರೂ... ಅದಿಕಾರದ ಕುರ್ಚಿ ಹತ್ತಿ..! ನಡೆಸಲಾಗದೆ.. ಪ್ರಜಾ ತತ್ವ ಮೇಲೆತ್ತಿ..! ಗೊತ್ತಿದ್ದೂ... ಅಂತ್ಯ ಕಟ್ಟಿಟ್ಟ ಬುತ್ತಿ, ಅಹಂಕಾರದಿ ಮೆರೆವ ಜಗಜಟ್ಟಿ..! ಮೀಸೆ ಮಣ್ಣಾಗದ ಜಗಜಟ್ಟಿ..! ಸೋತರೂ ಮೀಸೆ ಮಣ್ಣಾಗದ ಜಗಜಟ್ಟಿ..! ಗೊತ್ತಿದ್ದೂ... ಅಂತ್ಯ ಕಟ್ಟಿಟ್ಟ ಬುತ್ತಿ

ಅವನಿಗೆ ಈಗ ಅಷ್ಟೇ...! ಕಂಡಿರಲಿಲ್ಲ ಕನಸು ಅಂದುಕೊಂಡಿದ್ದು ಅಷ್ಟೇ... ರೊಚ್ಛಿಗೆದ್ದಾಗ ಮುನಿಸು ಬಾಲ್ಯ ಕಾಣಲಿಲ್ಲ ಅಷ್ಟೇ.. ಓದುವ ವಯಸ್ಸು ಪುಸ್ತಕದ ಹುಳು ಅಷ್ಟೇ... ದುಡಿಯುವ ಹುಮ್ಮಸ್ಸು ಸುಮ್ಮನಿರಲಿಲ್ಲ ಅಷ್ಟೇ.. ದಂಗಾಗಲಿಲ್ಲ ಬರಿ ಊರ ಜನರಷ್ಟೇ..! ಕಟ್ಟಿದಾಗ ಕೋಟಿ ಕೋಟಿ TAX ಈಗ ಅಷ್ಟೇ...! ಅವನಿಗೆ ಅದು ಬರಿ ಅಷ್ಟೇ..! ಬರೀ ಅಷ್ಟೇ.!

ಬಹುಮುಖ ನೀನಿವತ್ತು ಜನ ನಾಯಕ ಸೇವೆಯೇ ನಿನ್ನ ಕಾಯಕ ಗೊತ್ತಿಲ್ಲ ನಿನಗಾವುದು ಕುಹಕ ಅದಕ್ಕೇ ನೀ ಹತ್ತೂರಿನ ಧನಿಕ ನಿನ್ನ ಸಾಧನೆಗೆ ನಾ ಭಾವುಕ ನಿನ್ನದೋ ಪ್ರತಿಭೆ ಬಹುಮುಖ ಗೊತ್ತಿಲ್ಲ ನೆನಪಾಯ್ತು ಈಗ್ಯಾಕ ಅದೆಷ್ಟು ನಕ್ಕಿದ್ದೆವು ಪಕ ಪಕ ಆಗ ನೀ ಬಾಲಕ ನಿನ್ನಮ್ಮ ಹೇಳುವಾಗ.. "ಅವನಿಗೆ ಚಡ್ಡಿ ಯಾಕ...? ಹೊಟ್ಟಿಗೆ ಹಿಟ್ಟಿಲ್ಲದಾಗ.. ಅವನಿಗೆ ಚಡ್ಡಿ ಯಾಕ..?" ಅವನಿಗೆ ಚಡ್ಡಿ ಯಾಕ..?